Аваз Агалиев: "Чиройли футболдан кўра натижа муҳимроқ"

"Бугун биз учун оғир ўйин бўлишини билгандик. Биз Тошкентга ғалаба иштиёқида келгандик. Чемпионатдаги дастлабки очкони қўлга киритдик. Учрашувда қайд этилган натижадан кўнглимиз тўлди. Кейинги беллашувларда ҳам қониқарли натижага эришиш учун ҳаракат қиламиз. Сергей Лушан бизни анти-футбол кўрсатди деди? Бизга ҳозир чиройли футболдан кўра натижа муҳимроқ. Шу боис биз ушбу баҳсда ҳимоядан ўйнашни режалаштиргандик. Мураббийнинг кўрсатмасини бажардик ва якунда ўз мақсадимизга эришдик. Дастлабки иккита турда чиройли ўйин кўрсатигандик. Аммо натижада очколарни қўлдан бой бердик. Чиройли ўйнаб натижа қайд эта олмагандан кўра, ҳимоядан ўйнаб бўлсада ўз олдинга қўйган мақсадга эришганинг маъқул. Келгуси учрашувларда чиройли ўйин кўрсатамиз. "Бунёдкор"га эса бўлғуси учрашувларида омад тилайман. Беллашувдан олдин мураббий ҳимоядан ўйнаб, ўз омадимизни қарши ҳужумларда излашимизни ўқтирганди. Қарши ҳужумларда бизда вазиятлар юзага келди. Бироқ имкониятлардан фойдалана олмадик", - деди Аваз Агалиев.