Мадриднинг "Атлетико" клуби ёзда аргентиналик ярим ҳимоячи Родриго де Паулнинг трансфери бўйича турли таклифларни кўриб чиқади. Шу билан бирга, "Ювентус" келаси мавсумда жаҳон чемпионини қўлга киритишга катта қизиқиш билдирмоқда.
Диего Пабло Симеоне учун муҳим шахс бўлишига қарамай, Де Паулнинг "Атлетико"да саноқли кунлари қолган бўлиши мумкин. Унинг Италия чемпионатига қайтиш эҳтимоли юқори. Бу ҳақда "Football Espana" ёзмоқда.
"Атлетико" молиявий жиҳатдан қийин ҳолатда эканлигини инобатга олсак, Де Пауль келаси ёзда сотилади.
