Асрор Алиқулов: "Қизилқум"га қарши ўйинда бизга осон бўлмайди"

Ўйин ҳақида

- "Дўстлик" жамоаси ҳозирда янги бош мураббий билан ишлаяпти. Бу жамоа ҳозирга келиб чемпионат етакчи жамоаларидан очко тортиб олаяпти. Кўп голлар ураяпти, жамоа ҳужумчиси Шерзод Қодиров қисқа фурсатда тўпурарлар сафига қўшилди. Бугун кутганимиздек ўйин бўлди, рақиб қарши ҳужумларига эҳтиёткор услубни танладик. Кўп вазият яратдик. Ғалаба билан жамоамиз мухлисларини табриклайман.

- Ниязметов гол урган вазиятда алмаштирдингиз. Унинг гол уришини кутиб турганмидингиз?

- Йўқ, унга кўпроқ голли узатмалар вазифасини қўйгандик. Рустам ўйин давомида кўп вазиятлар яратди. Унинг ўрнига қўшилган футболчида ҳам айни шунақа вазифа бор эди. Шунга қарамай Ниязметов ўзининг креатив ҳаракатлари эвазига жуда чиройли гол урди.

- Кубок ўйинларида "Қизилқум"га дуч келаяпсиз. Собиқ жамоангизга қарши ўйин ҳақида нималарни айта оласиз?

- "Қизилқум" таркибида легионер футболчилари бўлган кучли жамоа. Барибир Суперлига клуби, бизга осон бўлмайди. Бу ўйин ўтди, эътиборни кейинги учрашувга муносиб тайёргарлик учун қаратамиз.