"Арсенал" ўз футболчисига АПЛ тарихидаги энг йирик маошни таклиф қилди

Агар чилилик футболчи ушбу таклифни қабул қилса, Англия футболи тарихидаги энг кўп маош олувчи футболчига айланади. Айни дамда 28 ёшли Санчеснинг ҳафталик маоши 140 минг фунт.

Ҳозир Англия Премьер-лигасининг энг кўп маош оладиган футболчиси - Поль Погба ("Манчестер Юнайтед"). Унинг ҳафталик маоши 290 минг фунт.

2014 йилдан бери "Арсенал"да ўйнайдиган Санчеснинг шартномаси 2017/18 мавсум якунланганидан сўнг ўз ниҳоясига етади. Олдинроқ чилиликка ПСЖ ва "Манчестер Сити" қизиқаётгани эълон қилинган эди.