"Арсенал" ҳимоячиси жарроҳлик амалиётини бошдан ўтказди

Бу ҳақида клубнинг расмий сайтида хабар берилди.

Дастлабки муолажа ишлари август ойида ўтказилганди, натижада, у машғулотларга қайтган ва октябрь ойида АПЛ доирасидаги "Саутгемптон"га қарши баҳсда майдонга ҳам тушганди. Бироқ тиззасидаги оғриқлар ҳеч қаерга йўқолмаган ва яна бир бор жарроҳларга мурожаат қилишга тўғри келган.

Энди футболчи тикланиш ва реабилитация жараёнини бошдан ўтказади. Дастлабки маълумотларга кўра, Томиясу йил охирларига майдонга қайтиши мумкин.