"Арсенал" голларга бой ўртоқлик учрашувида "Нюрнберг"дан устун келди, Жезус норасмий дебютида дублга эришди

Учрашувда Микель Артета шогирдлари 5:3 ҳисобида зафар қучишди. 

24- ва 29-дақиқаларда гол ўтказиб юбориб, танаффусга мағлубият билан чиқиб кетган "Арсенал" иккинчи таймда ўзига келди ва бирин-кетин голлар ура бошлади. Жумладан, 47-дақиқада Габриэл Жезус лондонликларнинг дастлабки голини урган бўлса, 54-дақиқада мисрлик ярим ҳимоячи Муҳаммад Эль-Ненни узоқ масофадан берилган зарба орқали мувозанатни тиклади.  Шундан сўнг 57- ва 63-дақиқаларда 2 та автогол урилган бўлса, 73-дақиқада Лукас Шляймер ва 75-дақиқада яна ўша Жезус катта саҳнага чиқди. Ҳужумчи норасмий дебютидаёқ 2 та тўп киритгани диққатга сазовор!

Бундан ташқари, мазкур ўйинда янгилардан дарвозабон Мэтт Тёрнер ва ҳужумчи Маркиньос ҳам қатнашди.

"Нюрнберг" (Германия) – "Арсенал" (Англия) 3:5

"Макс Морлок" стадиони

Голлар: 1:0 – Гайс (24), 2:0 – Дуа (29), 2:1 – Жезус (47), 2:2 – Эль-Ненни (54), 2:3 – Шиндлер (автогол, 57), 2:4 – Хандверкер (автогол, 63), 3:4 – Шляймер (73), 3:5 – Жезус  (75).

"Нюрнберг": Матениа, Гьямера, Серенсен, Хандверкер, Нюрнбергер, Гайс, Темпельманн (Шляймер, 72, Думан, 83), Дэли (Векессер, 61), Дуа (Шуранов, 88), Дафернер (Винцхаймер, 88)

"Арсенал": Тёрнер (Оконкво, 68), Бельерин (Мартинелли, 46), Уолтерс (Габриэл, 46), Мари, Тирни (Соареш, 30), Локонга (Патино, 68), Мэйтленд-Найлз (Улад-Мханд, 68), Смит-Роу (Жезус, 46), Пепе (Эль-Ненни, 46), Нкетиа (Маркиньос, 68), Нелсон (Балогун, 68).

Огоҳлантиришлар: Эль-Ненни (59), Мари (85)