"Арсенал" футболчиси А Серияга йўл олиши мумкин
13 дек 2019 10:20
Янгиликлар

"Арсенал" футболчиси А Серияга йўл олиши мумкин

"Арсенал" ярим ҳимоячиси Лукас Торрейра "Наполи" қизиқишлари доирасига тушиб қолди.

Италия клуби Лукас Торрейрани ижарага олишни хоҳламоқда, аммо "канонирлар" таклифни рад этишадиган бўлса, "Наполи" футболчи учун 25 миллион евро тўлашга тайёр.

Лукас "Арсенал" таркибига 2018 йилда "Сампдория"дан келиб қўшилди. Унга қадар эса "Пескара"да ўйнаган ва шу клуб тарбияланувчиси ҳисобланади.

Футболчи 2018 йилдан буён Уругвай терма жамоаси шарафини ҳимоя қилмоқда.

Торрейра жорий мавсум барча мусобақаларда 31та ўйинда майдонга тушиб, 2та гол уришга эришган.