Арсен Венгер: "Мен Кэррикни табриклашим керак"

У кетма-кет икки учрашувда номдор рақиблар – "Манчестер Сити" ва "Арсенал"ни мағлуб этди. 

Франциялик мутахассиснинг таъкидлашича, одатий ҳолатларда "Арсенал" 2:2 ҳисобида тенглаштирганидан кейин ғалаба қозониши керак эди, аммо Кэррикнинг олиб борган иши натижасида уч очко "Манчестер Юнайтед"га насиб қилди.

"Менимча, "Манчестер Юнайтед"да "Манчестер Сити" устидан қозонилган ғалаба билан "Арсенал"га қарши қўлга киритилган ғалаба орасида нимадир содир бўлди. Уларнинг ўйини жуда ишончли эди. "Арсенал" ҳисобни 2:2 га етказганида, одатда бундай учрашувларда мезбонлар ғалаба қозонади.

Бироқ "Манчестер Юнайтед" яна захира кучларини топиб, учинчи голни урди ва катта ўйинда сафарда 3:2 ҳисобида ғалаба қозонди. Мен Кэррикни табриклашим керак. У алоҳида аҳамиятга эга нарсани яратди. Жамоа Кэррик билан ҳимоявий барқарорлик ва юқори техник савия ўртасида яхши мувозанат топди.

Биринчи марта "Арсенал"нинг марказий ҳимоячилари одатдагидан кўра бироз асабийроқ эди. Шунингдек, улар бир қанча вазиятларда устунлик қилолмади", – деди Венгер.