"Ардус" иккинчи ўйинда ютқазиб қўйди

Кеча "Ардус" мусобақанинг илк турида Таиланднинг "Чонбури" клуби билан дуранг ўйнаганди – 2:2.

Бугун эса “Ардус” иккинчи турда Қатарнинг “Ал Садд” клуби билан ўйнади. Биринчи бўлимда 2:0 ҳисобида олдинда борган ҳамюртларимиз якунда 3:5 ҳисобида ютқазиб қўйишди. “Ардус” сафида голларни Фарҳод Абдумавлонов, Артур Юнусов ва Андрей Шлёма уришди. 

Футзал бўйича клублар ўртасида Осиё чемпионати. 2-тур
«Ал-Саад» (Қатар) - «Ардус» (Ўзбекистон) - 5:3
Голлар: Фарҳод Абдумавлонов, Артур Юнусов, Андрей Шлёма
«Ардус»: Рустам Умаров, Шуҳрат Тожибоев, Андрей Шлёма, Жамолиддин Шарипов, Артур Юнусов
Заҳирадан майдонга тушганлар: Зариф Бегулов, Жавлон Аноров, Аъзам Сайдаҳмедов, Дилшод Раҳматов, Фарҳод Абдумавлонов, Николай Кравченко, Шаҳзод Бўриев, Константин Свиридов


Эртага “Ардус” гуруҳдаги сўнгги учрашувни Эрон терма жамоаси аъзоларидан тузилган "Гити Пасанд" клубига қарши ўтказади. Учрашув Тошкент вақти билан соат 12:30да бошланади.

Гуруҳ ўйинлари:
27 август
"Чонбури" (Таиланд) - "Ардус" 2:2
"Ал Садд" (Қатар) - "Гити Пасанд" (Эрон) 2:3

28 август
"Ал Садд" (Қатар) - "Ардус" 5:3
"Чонбури" (Таиланд) – "Гити Пасанд" (Эрон)

29 август
"Гити Пасанд" (Эрон) - "Ардус"
"Ал Садд" (Қатар) - "Чонбури" (Таиланд)