АПЛда сентябрь ойининг энг яхши мураббийи маълум

АПЛда ўтган ойнинг энг яхши мураббийи "Челси" устози Энцо Мареска бўлди.

"Кўклар" сентябрда мағлубиятсиз сериясини давом эттирди ҳамда иккита йирик ғалабага эришди ("Вест Хэм" ва "Брайтон" устидан – 3:0 ва 4:2), шунингдек, "Борнмут"ни минимал ҳисобда мағлуб этди (1:0) ва "Кристал Пэлас" билан дуранг ўйнади (1:1).

Ўтган ой нафақат Мареска, балки унинг шогирди Коул Палмер учун ҳам самарали бўлди. 22 ёшли ярим ҳимоячи Премьер-лигада сентябрь ойининг энг яхши футболчисига айланди.

"Челси" 14 очко билан АПЛ турнир жадвалида 4-ўринда турибди. 20 октябрь куни Мареска шогирдлари сафарда "Ливерпул"га қарши баҳс олиб боради.