Англия премьер-лигаси. 7 ноябрь қаҳрамонлари ФОТО

Биз ушбу ўйинларда ўзини кўрсатиб қаҳрамон бўлган футболчиларни сизларга таништирамиз.


"Борнмут" - "Ньюкасл" 0:1
Қаҳрамон: Ўйинда жуда ҳам кам ҳужум қилган "Ньюкасл" Айозе Перез томонидан урилган гол эвазига 3 очкога эга чиқди.

"Лестер" - "Уотфорд" 2:1
Қаҳрамон: Мезбонлар ҳужумчиси Жейми Варди премьер-лигада кетма-кет 9та гол уришга эришди! Айни пайтда у 12та гол билан лигада тўпурар бўлиб турибди.

"Манчестер Юнайтед" - "Вест Бромвич" 2:0
Қаҳрамон: "Қизил иблислар"нинг 22 ёшли ярим ҳимоячиси Жесси Лингард жарима майдони ташқарисидан гол уриб ҳисобни очди. Таъкидлаш лозимки, у кеча АПЛдаги дебют голини урди.

"Норвич" - "Суонси" 1:0
Қаҳрамон: 2011 йилдан буён "Норвич" шарафини ҳимоя қилиб келаётган Жонатан Хоусон ушбу мавсумдаги илк голини "Суонси"га қарши ўйинда урди. Бу гол жамоасига ғалаба келтирди. 

"Сандерленд" - "Саутгемптон" 0:1
Қаҳрамон: Сербиялик Тушан Тадич ўтган турда голли пас оширганди, бу сафар пенальтидан гол уриб жамоасига 3 очко келтирди. 

"Вест Хэм" - "Эвертон" 1:1
Қаҳрамон: Меҳмонлар ҳужумчиси Ромелу Лукаку биринчи бўлим охирида тўп киритди ва "Эвертон"ни мағлубиятдан қутқариб қолди.

"Сток Сити" - "Челси" 1:0
Қаҳрамон: Австриялик Марко Арнаутович Лондоннинг "Челси" клубининг навбатдаги мағлубиятига сабаб бўлган голни урди. Моуриньо жамоаси ҳамон инқироздан чиқиб кета олгани йўқ.

Сизнингча бу қаҳрамонлар орасида қайси футболчи кун қаҳрамони?