Андрей Микляев: "Жамоамиз сафига сербиялик ҳужумчи келди"

- Учрашувда қайд этилган натижадан кўнглим тўлди. Ўзбекистон кубоги доирасидаги ўтган баҳсда "Машъал"га имконият бой берилгач, руҳий томонлама жамоани яна қайта тиклаш бироз қийин бўлди. Бугун ҳеч қайси футболчига эътироз йўқ. Беллашувда ташаббус биз тарафда бўлди. Ўйин ҳам мухлисларга манзур келди, деб ўйлайман.

Агарда иккинчи голни эртароқ урганимизда қолгани янада осонроқ кечармиди. Шунга қарамай фарқни яна биттага оширишга эришдик. умуман олиб қараганда, баҳс сўнггига қадар игнани устида ўтирдик. Жамоамизнинг ўйин фалсафаси ҳужумкорлик. Ҳар доим биринчи рақам остида ўйнашга интиламиз. Ҳар доим ҳам кутилган ўйинни намойиш этишни уддасидан чиқмасмиз, бу борада баҳони журналистлар ва мухлислар беришади.

Жамоамиз сафига яна бир легионер ҳужумчи келиб қўшилди. Айни пайтда сербиялик футболчи юртимизга ташриф буюрган. Эртага футболчи тиббий кўрикдан ўтади. Агарда тиббий кўрикдан муваффақиятли ўтса, қолган ҳужжатли ишларни амалга оширамиз.

Камолиддин Тожиев? Бу ҳақда биринчи марта бугун журналистлардан эшитдим. Тўғрисини айтаман, бу трансфер ҳақида биринчи марта бугун эшитдим. Мен мураббийман, клубга кимни олиб келишни клуб раҳбарияти ҳал этади ва улар бу борада кўпроқ маълумотга эга. Тожиев ҳақида мен бирор нарса дея олмайман.

Ислом Тўхтахўжаевнинг тиббий кўрикдан ўтиши борасида муаммолар вужудга келди. Ҳозирги кунда ушбу муаммолар бартараф этилмоқда. Ислом Тўхтахўжаев тез орада яна сафга қайтиши кутилмоқда.