Андрей Микляев: "Ажойиб ўйин ва чиройли ғалаба"

- Нима дейишга ҳам ҳайронман. Ажойиб ўйнадик ва чиройли ғалабани тантана қилдик. Кубок баҳслари доим қийин кечади. Биз бугун майдонда тўлиқ устунликка эга бўлдик ва ҳақли тарзда ғолиб чиқдик.

Икром Алибоев? Унда жароҳат бор. Шу боисдан унинг хизматидан фойдалана олмадик.

Жалолиддин Машариповнинг ижара масаласи? Бу савол менга тегишли эмас.

Чемпионатимиз жорий мавсумда анча қизиқарли ўтмоқда. Жамоаларнинг кучи деярли тенглашган. Ҳозир Олий лигада барча жамоалар деярли бир хил савияда.

Мени бу йилги чемпионатда нима қониқтирмаяпти? Билмадим. Мухлислар? Ҳа, бизнинг уй ўйинимизда ишқибозлар ташрифи жуда кам. Лекин сафардаги беллашувларимизда стадионлар мухлислар билан тўлмоқда. Айниқса Наманган, Қўқон шаҳарларида мухлислар стадионни безаб беришади.

Чемпионатимизда аввалгидек номлар йўқлиги туфайли томошабинлар камайганми? Билмадим. Балки шундайдир. Вақт ўтиб Икром Алибоев, Машарипов каби футболчилар ҳам Гейнрих, Жепаров даражасига чиқишларига ишонаман.