Андрей Фёдоров: “Ўйин дуранга мос бўлди”

- Ўйин дуранга мос бўлди. Фикримча, голга тортадиган яққол вазиятлар деярли бўлмади. Бугун кимдир ғалабага лойиқ эди деб айтиш қийин. “Қизилқум”га қарши ўйинга жиддий тайёргарлик кўргандик. Бироқ ўйин режамиз бўйича ўтмади. Майдон эгалари кучли прессингни амалга ошириб, бизни эркин ҳаракат қилишга йўл қўйишмади. Биз ҳам имкон қадар “Қизилқум”га ўйин бермасликка уриндик. Мансур Саидов, Мухсин Убайдуллаев ҳамда Мурод Бобожонов сингари етакчи футболчиларнинг йўқлиги барибир ўйинимизга ўз таъсирини ўтказди. Ҳимоя ва ҳужумда уларнинг ўрни барибир катта- деди Фёдоров.  

“Нефтчи” матбуот хизмати