Андре Виллаш-Боаш: "Бистров, Измайлов ва Одил Аҳмедов "Краснодар"ни кучайтиришди"

Мураббийга "Краснодар" борасида ҳам саволлар берилди.

— «Краснодар» ҳақида фикрингиз қандай? Бу жамоа бошқалардан нимаси билан фарқ қилади. «Зенит» ва «Краснодар» ҳужумкор ўйин намойиш этишади. Баҳс қандай ўтаркин?
 — «Краснодар» – Россияда менга энг ёққан жамоалардан бири. Уларнинг ўйини тўғри ташкил этилган, жамоа ҳужумкор тактикада ўйнайди. Бундан ташқари, краснодарликлар қарши ҳужумларда жуда тез. «Краснодар»га қарши ўйин оғир кечади, сабаби рақиб ҳар бир хатодан унумли фойдаланиши мумкин.
 
Умуман олганда «Зенит»ни қийин ўйин кутмоқда. «Краснодар» бир неча ўйиндан бери ютқазмаяпти, еврокубокда ҳам яхши ўйнмоқда. Жамоа ўтган йилга нисбатан жуда катта ўсишга эришган. Роман Широков кетган бўлса ҳам «Краснодар» бир қатор кучли футболчилар билан кучайди. Улар орасида Владимир Бистров, Марат Измайлов ва Одил Аҳмедов каби ўйинчилар бор. Бу жуда яхши трансферлар.

Эслатиб ўтамиз, "Краснодар" - "Зенит" учрашуви 18 октябрь куни Тошкент вақти билан соат 18:00да бошланади.