“Андижон” "Оқ-тепа" билан дуранг ўйнади

Рақиб олий лига вакили “Андижон” бўлди. Хабарингиз бор, жамоамиз бунга қадар бу рақиб билан икки марта ўйнаган. Учрашувларнинг бирида нурсиз дуранг (0:0) қайд этилган бўлса, яна бир баҳсда ғалаба қозонгандик – 2:0.

Бугун бўлиб ўтган беллашув ҳам аввалгилари каби анча қизиқарли кечди. Футболчилар дарвозалар олдида бир қатор голли вазиятларни яратишди, аммо худди биринчи ўйинда бўлгани сингари бу сафар ҳам дарвозалар ишғол этилмади.

Учрашувдан сўнг футболчиларимиз бир кунлик танаффусга чиқишди. Машғулотлар 23 февралдан давом эттирилади. 24 февраль куни Қозоғистоннинг “Махтаорол” клубига қарши навбатдаги назорат учрашуви ўтказилади.

Назорат учрашуви
ОҚ-ТЕПА – АНДИЖОН – 0:0
21 февраль. Тошкент. “Оқ-тепа” стадиони.
Бош ҳакам: Шерзод Қосимов.
“Оқ-тепа”: Ислом Ёқубов, Фарҳод Мирааҳматов, Жалолиддин Саидов, Муҳаммад Файзуллаев, Марат Қудратов (Абдужалил Ҳасанов), Собир Усмонхўжаев, Анвар Раҳимов (Темур Дадашев), Суҳроб Саримсоқов (Зафаржон Қорақулов), Сардор Соибов (Нодирбек Тешабоев), Дилмуҳаммад Худойбердиев, Владислав Павловский (Маъруф Аҳмаджонов).
“Андижон”: Геннадий Мошянга, Иброҳим Отахонов, Раҳим Қодиров, Асрор Раҳмонов, Даврон Турсунов, Санжар Асқаралиев, Асқар Жадигеров, Иқбол Акрамов, Темур Васильев, Лочин Солиев.
Захирадан тушганлар: Абдумалик Абдуллаев, Рустам Аъзамов, Умрилло Рамазонов, Шукур Жумабоев.