Меҳмонлар сафида ўзбекистонлик ҳимоячи Жаҳонгир Ўрозов ўйинни асосий таркибда бошлади ва тўлиқ ҳаракат қилди. Ҳамюртимиз 90+2 дақиқада ҳакам томонидан огоҳлантирилди.
Ўйиннинг 6-дақиқасида мезбонлар ярим ҳимоячиси Иван Обляков пенальтидан ҳисобни очди. Москваликлар 15-дақиқада эса Матеус Реиснинг четлатилишидан сўнг бир киши кам бўлиб қолишди. “Рубин” 58-дақиқада Андерсон Арройонинг голи эвазига ҳисобни тенглаштирди.
“Рубин” РПЛда 8 ўйиндан сўнг 11 очко жамғарган ҳолда саккизинчи ўринда бормоқда.
