Андижондаги "Пахтакор" - 79 хотира турнири якунига етди

Мусобақанинг сўнгги кунида қўшни гуруҳдаги жамоалар ўзаро куч синашдилар. Бизда аниқ бир ғолиб йўқ, барча ғолиб. 8та жамоанинг барчасига бир хилдаги медаллар, бир хилдаги дипломлар тақдим этилди.

Турнирнинг сўнгги кунида "Бунёдкор", "Нефтчи" ва "Навбаҳор" жамоалари ғалаба қозондилар. Тунги баҳсдан ўрин олган "BFC Asia" ва "Нефтчи" жамоалари ўртасидаги ўйинни томоша қилиш учун жуда кўплаб мухлислар ташриф буюрдилар. Айнан шу ўйин турнирнинг энг зўр учрашувларидан бири бўлди деб айтсак муболаға бўлмайди.

Унда фарғоналиклар 1:0 ҳисобида ортда бораётиб, 3та гол уриб ғалаба қозониб кетдилар. Икки жамоа аъзолари ҳам мухлислар олқишига сазовор бўлдилар.

"Қўқон-1912" - "Бунёдкор" 3:4

"Челано" - "BFC Asia- 2"  2:2

"BFC Asia" - 1 - "Нефтчи" 1:3

"Навбаҳор" - "Андижон" 8:0

Турнирнинг ёпилиш маросимида, "Андижон" клубининг собиқ ҳужумчиси, Бахтиёр Ҳамидуллаев иштирок этди. Шунингдек, Андижон ВФФ вакиллари ҳам ёпилиш маросимига ўзларининг совғалари билан келишгани бизни қувонтирди. Улардан ташқари "Футбол Экспресс" газетаси ҳам ўзининг амалий ҳамда моддий ёрдамини аямади. Бунинг учун барчага раҳмат айтамиз. Мусобақани ташкил этишда эса, энг катта ишни "BFC Asia" жамоаси вакиллари ва ҳомийлари бажаришди!