"Андижон" спорт директори: "Жасур Жалолиддинов "Локомотив"га ўтгани йўқ"
04 июл 2021 20:12
Янгиликлар
![](https://championat.asia/upload/storage/647103_original.jpg)
![](/upload/storage/647103_220.jpg)
"Андижон" спорт директори: "Жасур Жалолиддинов "Локомотив"га ўтгани йўқ"
Бироз олдин Тошкентнинг "Локомотив" клуби Жасур Жалолиддинов билан келишувга эришганини расман эълон қилди.
Биз бунга аниқлик киритиш мақсадида "Андижон" клуби спорт директори Бобуржон Алимардоновга мурожаат қилдик.
"Жасур Жалолиддинов ҳозирча "Андижон" футболчиси. Унинг клубимиз билан йил охиригача мўлжалланган шартномаси бор. "Локомотив" билан бу борада музокара ўтказганимиз йўқ. Менимча, матбуот хизмати бироз шошилди", - деб гап бошлади "Андижон" спорт директори.
- Жалолиддинов барибир "Локомотив"га ўтса, "Андижон" унинг учун товон пули оладими?
- Албатта, чунки унинг амалдаги шартномаси бор. Йил бошида Жасур клубимизга келганида ёзда фақатгина хориж клубидан таклиф бўлса, уни эркин агент сифатида қўйиб юборишга келишилган ва шартномасида шу банд бор. Лекин Ўзбекистоннинг исталган бошқа клубига ўтса, товон пули олишимиз керак.
Ўхшаш янгиликлар
![AMP Logo](https://championat.asia/image/logo-amp.png)
Фикрлар