Аморим Рэшфордга чиқиш эшигини кўрсатмоқда: МЮ уни "Реал"га таклиф қилди

Бу ҳақда "Defensa Central" ёзмоқда. 

Манбага кўра, "Манчестер Юнайтед" 27 ёшли ҳужумчи учун тахминан 40 млн евро олмоқчи. Бироқ ҳужумчи қидираётганига қарамай, испан клуби бу таклифга қизиқмаяпти. "Реал" Хоселуга ўхшаш ўйинчини қидирмоқда, Рэшфорд эса бу профилга тўғри келмайди.

Қайд этилишича, "Юнайтед"нинг янги бош мураббийи Рубен Аморим Рэшфордни бошланғич таркибга киритишни режалаштирмаяпти, эҳтимолий сотув сабабларидан бири ҳам айнан шу. 

Англиялик футболчига "Барселона" ҳам қизиқиш билдирмоқда, аммо каталонияликлар талаб қилинаётган нархни тўлолмайди.