Аллегри скудетто учун асосий даъвогарларни айтди

"Ювентус" бош мураббийи Массимилиано Аллегри скудетто учун асосий даъвогарларни айтиб ўтди.

"Скудеттони ютиш учун учта жамоа фаворит: "Интер", "Милан" ва "Наполи". Биз кучли тўртлик учун курашамиз. Шунингдек, бу курашда "Аталанта", "Фиорентина", "Лацио" ва "Рома".

Бу қийин мавсум бўлади ва бу аллақачон аниқ. Ҳозирча "Интер" муносиб равишда юқори поғонада, лекин биз бор эътиборимизни ўзимизга ва келаси мавсум Чемпионлар Лигаси учун йўлланмани қўлга киритиш мақсадига қаратганмиз", – деди мутахассис.

Айни пайтда "Ювентус" А Сериянинг 5-туридан кейин 10 очко билан турнир жадвалида 4-ўринни эгаллаб турибди. "Бьянконери" навбатдаги ўйинни бугун ўз майдонида "Лечче"га қарши ўтказади.