Аллегри Италияда чемпионлик учун қизғин кечишига ишонмоқда

"Биз "Сампдория" дарвозасига киритган иккинчи голимиздан сўнг ўйинин яхшироқ назорат қилишимиз лозим эди. Бироқ буни кераклигича уддалай олмадик. Шу боисдан ҳам рақиб дарвозамиз олдида етарлича хавфли вазиятлар содир эта олди. Шунга қарамай асосий мақсадимиз ғалабани қўлга киритдик. Кетма-кет тўққизинчи ғалаба бу жамоа ўз ўйинини яхшилаб олганидан далолат беради. Айни пайтда жамоамиз футболчилари мавсум стартидан кўра яхшироқ формада. Янги келиб қўшилган футболчилар ҳам жамоа билан киришиб кета олишди. Кўникиш даври ортда қолди. "Интер" ушбу турда ўзининг энг яхши ўйинларидан бирини ўтказди. Бироқ бу ўйин ғалабага етарли бўлмади. Ҳозирги чемпионат ҳар томонлама тенг кучли курашларга бой бўлмоқда. Статистика бўйича гапирадиган бўлсак, чемпион бўлиш учун 82 очко жамғариш лозим экан. Ишончим комил, бу йилги чемпионатда "Наполи" ва "Интер" скудетто учун охиригача кураш олиб боришади. Чемпионлик учун ҳар доимгидан ҳам қизғин бўлади",  - дейди Аллегри.