Аллан - "Эвертон" ўйинчиси

29 ёшли бразилиялик футболчининг Англия клуби билан тузган шартномаси 2023 йилнинг июнига қадар мўлжалланган.

"Эвертон" билан шартнома имзолашдан мамнунман. Жамоа муваффақиятларига ҳисса қўшишга умид қиламан ва "Эвертон" билан кўплаб ажойиб ўйинларни ўтказаман. Бу Премьер-лигада бой тарихга, жиддий амбицияларга, шунингдек бош мураббийликда ажойиб мутахассис Карло Анчелоттига эга бўлган клуб. У менинг бу ерга ўтишим учун барча ишни қилди", - дейди Аллан.

Эслатиб ўтамиз, Аллан "Наполи"га 2015 йилнинг ёзида ўтган эди. Бразилиялик хавбек бунга қадар "Удинезе" ва "Васко да Гама" клублари шарафини ҳимоя қилган. Алланнинг трансфер нархи 11,5 миллион еврони ташкил этди.