Алишер Холиқовнинг футбол шинавандаларига совғаси
03 ноя 2013 09:26
Янгиликлар
Алишер Холиқовнинг футбол шинавандаларига совғаси
Навоий истеъдодларга бой шаҳарлардан. Бугун мамлакатимизнинг турли жамоаларида тўп сураётган кўплаб футболчиларни бунга мисол келтириш мумкин.
Ўз фаолиятини “Зарафшон”, “Қизилқум” футбол клубларида бошлаб, кейинчалик “Бухоро” (2006-2007 йй), “Нефтчи” (2008-2012 йй) жамоаларида давом эттирган моҳир ҳужумчи Алишер Холиқовни ҳозирда юртимизда танимайдиган, билмайдиган мухлис топилмаса керак.
Айни пайтда у ўзининг жонажон “Қизилқум” жамоасида тўп тепмоқда. Ҳозир гап унинг қаерда ва қандай ўйнаётгани хусусида эмас. Футболимиз тараққиётига баҳоли қудрат ҳисса қўшиб келаётган Алишер шу йил хайрли бир ишни бошлаганди. Ўзи истиқомат қилаётган шаҳар — Навоийда қаровсиз ётган ҳудуддан ер олиб, у ерда сунъий қоплама мини футбол майдони барпо этишга қарор қилди. Натижада Алишернинг фикрини дўстлари, маҳаллий ҳокимлик вакиллари қўллаб-қувватлашди.
2 ноябрь куни шаҳарнинг “Ғалаба” шоҳкўчасида Алишер Холиқов ташаббуси билан қуриб битказилган янги футбол майдонининг тантанали очилиш маросими ўтказилди. Унда вилоят футбол фахрийлари, соҳа мутасаддилари, “Қизилқум” футбол клуби аъзолари, футбол шинавандалари иштирок этди.
— Алишер камтар ва камсуқум йигит, — дейди Навоий вилоят футбол федерацияси вице-президенти Мурод ака Худоёров. — Унинг хайрли ишидан айниқса, футбол мухлислари боши осмонга етди. Жойларда бу каби сунъий қопламали футбол майдонлари кўпайгани ёшларимиз учун катта қулайлик яратади.
championat.asia
U-23 Осиё кубоги. Япония чемпион! Олимпиадага чиқиб бўлган Ўзбекистон пенальтидан гол ура олмади
Суперлига. "Сўғдиёна" пешқадам "Андижон"ни "Бобур Арена"да мағлубиятга учратди
Ла Лига. "Жирона" ўз уйида камбэк қайд этиб, "Барселона"ни мағлуб этди. Чемпион номи аниқ бўлди
Умарали Раҳмоналиев: "Бутун Ўзбекистон халқидан минг бор узр сўрайман"
Фикрлар