Александр Хомяков: "Ғалаба қозондик, лекин футбол 90 дақиқа давом этади"

"Бугун ғалаба қозондик, аммо яна олдинги хатоларни такрорлаяпмиз. Ҳисобда олдинда бориб туриб йигитларим ўйинни ташлаб юборишмоқда. Иккинчи бўлимда фақат рақиб ҳужум қилди. Футбол 90 дақиқа давом этишини шогирдларим унутиб қўйишди шекилли. Бухорода ҳам деярли шундай бўлганди. Бугун ҳам шундай бўлмоқда".

"Жамоа нега Янгиердаги базада машғулот ўтказади? Сабаби мураббий сифатида менга у ердаги шароитлар ёқади. Футболчилар учун барча нарса муҳаё қилинган".

"Иккинчи давра олдидан сафимизни Саламат Қуттибоев, Отабек Нарзуллаев тарк этишди. Янгилар орасида фақат Шайманов ижарадан қайтди. Камерунлик футболчи кўрикда бўлди. Афсуски тиббий кўрикдан ўта олмади, шу боис юртига қайтиб кетди. Бундай легионер бизга фойда келтирарди, у кучли футболчи эди", - дейди Александр Хомяков.