Александр Хомяков: "Футболчиларга рўза тутишни тақиқламаймиз"

Ўйин ҳақида

- Бугун осон ғалабага эришдик деб айтмаган бўлардим, қийин ўйин бўлди. "Янгиер" ёмон жамоа эмас экан, улар бугун майдонда борларини бериб ҳаракат қилишди. Биринчи бўлимда ўйинимиз қовушмади. "Янгиер" жамоаси ҳам бизга қаттиқ қаршилик кўрсатди. Ҳа гол урдик, лекин бизга вазиятларни якунлашда аниқлик етишмаяпти. Умумий олганда бугун ёмон ўйин бўлмади, аксинча томошабоп футбол кўрдик.

- Жамоа сафида рўзадор футболчилар бор эдими?

- Тушунишим бўйича сиз футболчиларга рўза тутишни тақиқлайсизми демоқчисиз. Йўқ, биз ҳеч кимга рўза тутишни ман қилмаймиз. Рўзадор футболчига майдонда осон бўлмайди, лекин профессионал футболчи ҳар доим ўз вазифасини тўлақонли бажараверади.

- Кубок баҳсларидаги 3 та ўйинда қайси жамоа билан ўйин ёдингизда қолди?

- Барча жамоалар билан ҳам яхши ўйинлар бўлди. Кубок учрашувларида мураббийлар кўпроқ ротацияларга урғу қаратишмоқда. Ёдда қолган ўйин эмаску, "Қўқон-1912" билан баҳснинг биринчи бўлимида футболчиларимнинг ҳаракатларидан тўлиқ қониқиш ҳосил қилгандим. Шунингдек "Металлург"га қарши ўйинимиз ҳам ёмон бўлмаганди.

- Муборак тумани жанубий худуд ҳисобланади. Агар имкони бўлса ўйинларни кечки вақтларга қўйиш таклифини берган бўлармидингиз?

- Бу борада ташкилотчилар ўйлаб кўришгани аниқ. Чемпионат доирасидаги ўйинларимиз кечки вақтларга қўйилса керак. Иссиқ об-ҳавода футбол ўйнаш қийинчилик туғдиради албатта. Муборакда 19:00 дан кейин футбол ўйнаш қулайроқ бўларди назаримда.