Александр Хомяков: "Бу жуда катта ютуқ ва байрам"
28 апр 2024 22:46
Янгиликлар

Александр Хомяков: "Бу жуда катта ютуқ ва байрам"

Ўзбекистон кубогининг 3-туридан ўрин олган "Андижон" - "Насаф" (1:0) учрашувидан сўнг мезбонлар бош мураббийи Александр Хомяков матбуот анжуманида иштирок этди.

Ўйин ҳақида

- Барча-барчани, Андижон аҳлини, жамоамизнинг ҳар бир аъзосини, жонкуяр мухлисларни ғалаба ва навбатдаги босқич йўлланмаси билан табриклайман. Бу жуда катта ютуқ ва байрам. Йигитлар ғалаба бўлган кучли иштиёқ билан ҳаракат қилишди ва натижага эришдик.

- Қўлга киритилган ўта муҳим ғалабадан сўнг қандай эмоцияларни ҳис қилаяпсиз? Жамоадаги кайфият қандай?

- Албатта, бу ғалаба барчамизники. Бугун кучли иштиёқ эвазига ғалаба қозондик. Барчада кайфият аъло даражада.

- "Насаф" кетма-кет 3 та мавсумдан буён кубокда бош совринга эга чиқаётганди. Бу йил жамоа гуруҳ босқичида қолиб кетаяпти. Бунга муносабатингиз қандай?

- "Насаф" ҳеч бир шубҳасиз энг зўр жамоалардан бири. Бу жамоага қарши ўйинларда ҳеч кимга осон бўлмайди. Бугун ҳам кўрдингиз, гол урган жамоа ютиб кетадиган ўйин бўлди. Якунда иштиёқ эвазига голни бизнинг жамоа киритди.