Александр Петров: "Бирламчи вазифа - гуруҳдан чиқиш"

Мусобақа олдидан олмалиқликлар бош мураббийи Александр Петровнинг фикрлари билан қизиқдик.

- Гуруҳда жиддий рақиблар билан тўқнаш келамиз. Вьетнам чемпиони "Таи Сон Нам" ўтган йилги мусобақанинг финалигача етиб борган. Адашмасам улар таркибга бразилиялик ва эронлик икки легионерни жалб қилишган. Ироқ ва Қатар клублари ҳақида кўплаб маълумотларга эгамиз дея олмайман. Олдинги мусобақалардаги иштирокдан келиб чиқиб айтадиган бўлсам, бу икки жамоа ҳам кучли.

Шогирдларим айни пайтда тахминан 70 фоизга тайёр деб айта оламан. Йигитлар ёш ва ўйнашга бўлган иштиёқлари кучли. Раҳбарият халқаро мусобақага тайёрланишимиз учун шароит яратиб берди. Тожикистонда йиғин ўтказдик ва Қирғизистоннинг амалдаги чемпиони ҳамда вице-чемпионини мағлуб этиб ўртоқлик турнири ғолиби бўлдик. Футзалчиларимизда хоҳиш кучли.

Мусобақада ярим финалгача етиб боришга ҳаракат қиламиз. Бирламчи вазифа эса - гуруҳдан чиқиш.

АГМК Клублар ўртасидаги Осиё чемпионатига 5 август куни йўл олади. Олмалиқликлар мусобақанинг "B" гуруҳида "Таи Сон Нам" (Вьетнам), "Нафт Ал Васат" (Ироқ) ва "Ар Райан" (Қатар) клублари билан кураш олиб боради.

АГМК жамоасининг Осиё чемпионатида қатнашадиган якуний таркиби эълон қилинди

Эслатиб ўтамиз, футзал бўйича Клублар ўртасидаги Осиё чемпионати 7-17 август кунлари Таиланд пойтахти Бангкок шаҳрида бўлиб ўтади.

Футзал. Ўзбекистон МТЖ назорат ўйинида АГМКга имкониятни бой берди