Александр Мочинов: “Оқ-тепа” жамоаси ва унинг раҳбариятидан бутун умр миннатдорман!”

- “Оқ-тепа” клуби раҳбариятига, хусусан, Ғанишер ака Шоғуломовга ўз миннатдорчилигимни билдираман! Айнан шу инсон сабабли мураббийлик фаолиятимни бошладим. Шу инсоннинг ишончи ўзимга бўлган ишончни ортишига хизмат қилди. Ростини айтаман, ўзбек футболида миллионлар ўйинининг ашаддий мухлиси бўлган бундай фидойилар кам. Қисқаси, "Оқ-тепа" жамоаси ва унинг раҳбариятидан бутун умр миннатдорман! Бу ерда ўтган ҳаётимни ҳар доим эслаб юраман.

Истеъфога чиқишимга айнан битта сабабни келтира олмайман. Шунчаки, ўз хоҳишим билан истеъфога чиқдим. Бундай ҳолатлар дунё футболида учраб туради. Ҳозир амалга оширган ишларимни таҳлил қилмоқчиман. Клуб раҳбарияти билан орамизда ҳеч қандай тушунмовчилик ёки келишмовчилик бўлгани йўқ. Ғанишер ака жамоада қолишимни кўп марта сўради. Футболчилар ҳам кетишимга норозилик билдиришди. Чунки жамоа олдига олий лигага чиқиш вазифаси қўйилган. Аммо мен ўзим учун сўнгги қарорни қабул қилиб бўлгандим.