Александр Лобанов 200-учрашувда майдонга тушди
06 июл 2020 20:05
Янгиликлар

Александр Лобанов 200-учрашувда майдонга тушди

Бекободнинг "Металлург" клуби Coca Cola Суперлигасининг 8-турида Қаршида "Насаф" меҳмони бўлмоқда.

Мазкур баҳсда "Металлург" сафида Александр Лобанов асосий таркибда майдонга тушди. Шу тариқа дарвозабон Ўзбекистон чемпионатидаги ўзининг юбилей 200-учрашувида майдонга тушди. Бу ҳақда championat.asia сайти хабар берди.

Лобанов 2005-2006 йиллар давомида Жиззахнинг "Сўғдиёна" клуби сафида 25та ўйинда майдонга тушиб 40та гол ўтказиб юборган. 2009 йил "Бухоро" таркибида 4та учрашувда майдонга тушган ва ўз дарвозасидан 12та гол ўтказиб юборган.

2012-2018 йиллар давомида Тошкентнинг "Пахтакор" клуби шарафини ҳимоя қилган Александр бу жамоа сафида Ўзбекистон чемпионатида 143 марта майдонга тушган ҳамда 109та гол ўтказиб юборган.

Лобанов 2019 йилдан бунё "Металлург" шарафини ҳимоя қилмоқда ва бугунги баҳс ушбу клуб сафидаги 28-учрашувга айланди. Бугунга қадар у бекободликлар сафида 27та гол ўтказган.