Александр Ежов: "Шўртан" билан ўйинда мухлисларимиз учун ғалаба қозонишга ҳаракат қиламиз"

Ўйин ҳақида

- Ўйин ҳақида нима дейиш мумкин, "Нефтчи" жамоаси билан чемпионат доирасидаги учрашувда 1:5 ҳисобида мағлуб бўлгандик. Шундан келиб чиқиб бугун бошқача ўйин намойиш этмоқчи эдик. Афсуски 3 та тўп ўтказиб юбордик. "Нефтчи" ўз олдига Про-лигада чемпион бўлишни мақсад қилган жамоа. Умумий холатда ёмон ўйин намойиш этмадик, курашларга бой ўйин бўлди. Ишлашда давом этамиз.

- Таркибга "Истиқлол" жамоасининг 2 нафар футболчиси қўшиб олинди. Шу ҳақида ҳам изох берсангиз.

- Ҳа биз "Истиқлол"дан Сардор Сотволдиев ва Абдухолиқ Қурбоновни таркибга жалб этганмиз. Улар маҳоратли ва ўйинларда аниқ ҳаракат қиладиган футболчилар ҳисобланади. Кубок ўйинларида ишларимиз юришди дея олмайман, эътиборни чемпионат ўйинларига ҳаракат қиламиз.

- Сўнги турда "Шўртан" билан ўйнайсизлар. Бу жамоани мағлуб этиб энг яхши 3-ўрин соҳиби сифатида кейинги босқичга йўл олиш мақсади борми?

- "Шўртан" билан ўйинда мухлисларимиз учун ғалаба қозонишга ҳаракат қиламиз. Кейинги босқичга чиқиш имкониятларимиз пасайиб кетди, шундай бўлса ҳам сўнги турда бизни фақат ғалаба қониқтиради.

- Маҳоратли ҳужумчи Рўзимбой Аҳмедов нега бугун майдонга туширилмади?

- Бу ўйинда унинг йўқлиги билинди. У ўтган ўйинларда қизил карточка олганди. Ёш ҳужумчимизга қийин бўлди. Биз мураббийлар штаби билан Рўзимбойни қўллаб-қувватлаймиз. Унинг "Шўртан" билан ўйинга қадар формасини тиклаб олишига умид қиламиз.