“Ал-Ваҳда”да коронавирус билан боғлиқ ҳолатлар аниқланди, жамоа ОЧЛда иштирок эта олмайди

Манбага кўра, “Ал-Ваҳда”нинг бир қатор футболчилари коронавирус билан касалланган ва БАА тиббий протоколи талаблари туфайли улар карантинга олинган. Шу сабаб, жамоа ОЧЛ жорий мавсумида бошқа қатнашолмайди.

“Натижада “A” гуруҳида учта жамоа қолади: Эроннинг “Истиқлол”, Саудиянинг “Ал-Аҳли” ва Ироқнинг “Ал-Шорта” жамоалари. ОФК чемпионлар лигаси регламентига кўра, бу каби ҳолатларда “Ал-Ваҳда” ўтказган барча ўйинларнинг натижаси бекор қилиниши кераклиги кўрсатилган.

Шундай қилиб, А гуруҳидаги жадвал қуйидаги кўринишда бўлади:

1. “Ал-Аҳли” (С.Арабистони) – 3 очко, (тўплар нисбати: 2-1)

2. “Ал-Шорта” (Ироқ) – 1 очко, (1-1)

3. “Истиқлол” (Эрон) – 1 очко, (2-3)

Эрон жамоасининг иккита ўйин натижаси ҳисобланган, саудияликлар ва ироқликларда эса биттадан”, деб ёзади ўз саҳифасига Никимбаев.

Эслатиб ўтамиз, мазкур гуруҳдан кейинги босқичга чиқадиган жамоаларга “Пахтакор” жой олган “B” квартетидаги клублар рақиблик қилади.