"Актобе"да ғалаба, "Иртиш" ва "Жетису"да мағлубият

Биз эътиборингизни ҳамюртларимиз иштирокидаги ўйинларга қаратамиз.

Чемпионлик учун яқин турган "Актобе" сафарда ўтган йилги мамлакат чемпиони Қарағанданинг "Шахтёр" клуби меҳмони бўлди. Учрашув тақдирини 61-дақиқада Гридин томонидан урилган ягона гол ҳал қилди - 0:1. Ўйинда Александр Гейнрих тўлиқ ўйнаган бўлса, Темур Кападзе 82-дақиқага қадар ҳаракат қилди. Марат Бикмаев ҳамон жароҳатини даволамоқда. "Актобе" 30 очко тўплаган ва "Остона" билан бирга чемпионатда пешқадамлик қилмоқда.

ШАХТЁР - АКТОБЕ - 0:1 (0:0)
Гол: Гридин, 61 (0:1).

"Иртиш" сафарда айнан "Остона"га 2:4 ҳисобида ютқазиб қўйди. Ҳамюртимиз Улуғбек Бақоев 71-дақиқага қадар ҳаракат қилган бўлса, жароҳатини тузатаётган Камолиддин Мурзоев майдонга тушмади. "Иртиш" 21 очко билан мусобақа жадвалининг 4-поғонасида бормоқда.

ОСТОНА - ИРТИШ - 4:2 (2:1)
Голлар: Ахметов, 14 (1:0). Дмитренко, 33 (2:0). Юрин, 35 (2:1). Твумаси, 49 (3:1). Сисеру, 54 (4:1). Струков, 89 (4:2).

"Жетису" ўз уйида "Акжайик" клубига 0:3 ҳисобида мағлуб бўлди. Майдон эгалари сафида Руслан Мелзиддинов тўлиқ ўйнаган бўлса, Шавкат Саломов биринчи бўлимдан сўнг бошқа футболчига алмаштирилди. "Жетису" 12 очко билан мусобақа жадвалининг сўнгги 12-поғонасида бормоқда. 

ЖЕТИСУ - АКЖАЙИК - 0:3 (0:2)
Голлар Черни, 27 (0:1). Коструб, 30 (0:2). Черни, 88 (0:3).