Акром Комилов: “Темирйўлчилар” билан учта ўйинда ҳам бир хил ҳисобда мағлуб бўлдик”
26 ноя 2016 18:08
Янгиликлар

Акром Комилов: “Темирйўлчилар” билан учта ўйинда ҳам бир хил ҳисобда мағлуб бўлдик”

Ўзбекистон кубоги ярим финал жавоб баҳсида “Бунёдкор”клуби ўз уйида “Локомотив” жамоасига имкониятни бой берди.

Ушбу учрашувдан сўнг “қалдирғочлар” ҳимоячиси Акром Комилов ўйин ҳақида ўз фикрларини билдирди.

“Мағлубиятга асосий сабаб бизга омад етишмади. Чунки яратилган вазиятларни голга айлантира олмаяпмиз. Майдонда кўп тўп билан муомала қилдик ва рақиб жамоага қараганда кўпроқ вазиятлар яратдик. Шунча вазиятлар яратаётган бўлсак ҳам нимагадир тўп “Локомотив” дарвозасига киришни истамаяпти.

“Темирйўлчилар” билан уч маротаба тўқнаш келган бўлсак, барчасида бил хил ҳисобда мағлубиятга учрадик. Нега бундай бўлмоқда? Мана шу савол мени ҳам қийнамоқда. “Локомотив” жамоасини чиройли ғалаба билан табриклайман. Улар бунга лойиқ ўйин кўрсатишди. Финалда уларга омад тилайман”, - дейди “Бунёдкор” ҳимоячиси Акром Комилов.

Жаҳонгир Сотволдиев

Ҳавола :

Манба : championat.asia

Янгиликларни Телеграмда ўқинг!

Рейтинг: +3