UZ

Сўнгги янгиликлар

02:12Ўртоқлик ўйини. Германия терма жамоаси сафида Олмалиқда туғилган йигит майдонга тушди, немислар Украинани таслим қила олишмади  3 01:45Иккинчи таймдаги голлар Англия терма жамоасига йирик ғалаба тақдим этди  0 01:37Айни дамда дунёнинг энг қиммат уч футболчиси "Реал"да  0 01:19"Олтин тўп" учун курашда Беллингем 2, Кроос 3 ўринда  5 23:02"Реал" сайти ишламай қолди  5 22:44"Реал" мухлислари кутган янгилик эълон қилинди  12 22:24Фабио Гроссо эсингиздами? Энди у А Серияни тарк этган клубни бошқаради  8 22:15Мбаппе ҳозирча 9-рақамда ўйнайди, аммо...  6 21:31Мбаппе "Реал"да қайси позицияда ўйнайди?  3 20:38"Реал" Хоселу бўйича бир қарорга келди  3 20:05Про лига. "Шўртан" камбэк қайд этди, "Бухоро" "Дўстлик" билан дуранг ўйнади  13 20:03Шомуродов, Ўрунов, Ҳусанов, Файзуллаев... Ўзбекистон МТЖнинг бугунги машғулотидан ГАЛЕРЕЯ  9 19:31Элдор Шомуродов: "Олимпиадага чақиришса, бораман. Шартномамга кўра "Рома"га қайтдим"  28 19:16Расман: "Челси"га янги мураббий тайинланди  9 19:05Ўзбекистон МТЖ машғулотларга киришди  2

Акмал Шораҳмедов: "Олмалиқлик мухлислар иккинчи даврада бизни ёлғизлатиб қўйишмайди" Янгиликлар

Акмал Шораҳмедов: "Олмалиқлик мухлислар иккинчи даврада бизни ёлғизлатиб қўйишмайди"

АГМК сардори ва ўнг қанот ҳимоячиси Акмал Шораҳмедов жамоа мавсумнинг иккинчи қисмига кўрган тайёргарлиги, биринчи даврадаги муваффақиятсизлик сабаблари, ички муҳит ва кубокда ўз олдига қўйган мақсади ҳақида клуб матбуот хизмати билан бўлган суҳбатда айтиб ўтди.

"Биринчи давра якунлангач 2-3 кун ҳордиқ чиқариб, яна тезда ишга киришдик. Мавсумнинг дастлабки қисми муваффақиятли ўтмагани боис, иккинчи даврага жиддий тайёргарлик кўриш мақсадида машғулотларни барвақт бошладик. Тайёргарлик ёмон ўтмади. Жамоамиз иккинчи даврага анча "қайноқ" ҳозирлик кўрди. Бунга ҳаво ҳарорати ҳам ёрдамлашиб юбормоқда (кулади). Барча қилган иш ва меҳнатларимиз самараси бу натижага боғлиқ. Агарда иккинчи даврада барчасини изига қўя олсак, унда қилинган меҳнатлар ҳавога учмайди.

Биринчи даврада жамоамизга кескинлик, ўйинда "жаҳл" етишмади. Ички муҳит яхши. Бу борада муаммо йўқ. Футболда асосан жамоа ютиб турганда муҳит зўр бўлади. Ишлар юришмаган пайтда эса ҳақиқий муҳит юзага чиқади. Айнан шу пайт жамоа ўзаро қанчалик бирлашгани кўринади. Бизда ҳаммаси яхши. Иккинчи даврага аъло кайфиятда киришамиз. Агарда натижаларни ҳам яхшилаб, муваффақият кўчасига ўтсак, муҳит янада аъло даражага чиқаверади.

Муҳими, дастлабки ўйинни ғалаба билан бошлаш лозим. Шунда турнир жадвалида биздан тепароқда турган жамоаларга яқинлашиб оламиз. Бу эса уларни енгил нафас олишга қўймаса, бизга янада кўпроқ ишонч бағишлайди.



Исталган жамоада ўзгаришлардан кейин маълум вақт керак бўлади. Янги келганлар эса ўша жамоага кўникиб, мослашиб олишлари учун ҳам вақт талаб этилади. Жамоа мавсум аввалида янгиланди. Янги келган футболчилар ҳозирга келиб анча мослашиб, жамоага кўникиб олишди. Ўйлайманки, мавсумнинг иккинчи қисмида бошқача жамоани кўрамиз.

АГМК ўтган мавсум Ўзбекистон кубогида зафар қучиб, жамоа планкасини кўтариб қўйган. Айни дамда жамоамиз кубок доирасидаги ҳар иккала фронтда кураш олиб бормоқда. Шу боисдан ҳам мазкур мусобақаларда максимал чўққи учун курашиш лозим. Чемпионатда ҳам имкон қадар юқори ўринга кўтарилиш вазифаси турибди.

Жорий мавсум "Пахтакор" қолган жамоаларга нисбатан анча кучли. "Локомотив" уларга рақобат қилишга уринмоқда. Қолган жамоалар даражаси деярли бир-бирига тенг.

Ўзбекистон Кубоги финалларида кетма-кет мағлубиятга учраб келяпман. "Бунёдкор" билан кетма-кет финалларда ютқаздим, ўтган йили "Пахтакор" сафида АГМКга совринни бой бердим. Бу йили мазкур нохуш анъанага чек қўйишни истардим. Ўтган сафар финалда АГМКга ютқазган бўлсам, бу йил энди АГМК билан Ўзбекистон кубогида зафар қучишни ният қилдим.



Олмалиқда чиройли ўйин ва натижа яхши бўлса мухлис кўпаяди. Биринчи даврада томошабинлар ташрифи тушиб кетганига ўзимиз айбдормиз. Бекободда бўладиган ўйинда ғалаба қозониб, кейин уйда "Андижон"ни ютиб, олмалиқлик мухлисларни кайфиятини кўтаришга, уларни хурсанд қилишга ҳаракат қиламиз. Мақсад - уларни стадионга қайтариш.

Томошабинлар қанчалик кўп ташриф буюрса, бу ўша жамоага берилган энг катта устунликлардан бири. Қачонки стадионда муҳит зўр бўлиб, сени олдинга чорлайдиган мухлисларингни ҳис этсанг, чарчаб қолган бўлсангда охирги қувватингни ишлатиб югурасан, жонингни бериб ўйнайсан. АГМКга мухлислар ёрдами керак. Футболчиларнинг майдондаги энг катта илҳом париси - ишқибозлар. Ўйлайманки, олмалиқлик мухлислар иккинчи даврада бизни ёлғизлатиб қўйишмайди", — дея ўз фикрлари билан ўртоқлашди Акмал Шораҳмедов.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика