Акмал Рустамов: “Муборакка фақат ғалаба учун борамиз”
02 авг 2016 15:28
Янгиликлар

Акмал Рустамов: “Муборакка фақат ғалаба учун борамиз”

Олий лига ўн олтинчи туридан жой олган учрашувлардан бири Муборакда “Машъал” — “Қизилқум” жамоалари ўртасида бўлиб ўтади. Ўйин шиддатли ва кескин ўтиши кутилмоқда.

Мазкур баҳс олдидан навоийликлар ҳимоячиси Акмал Рустамов фикрлари билан қизиқдик.

— Иккинчи даврани сафарда “Машъал” жамоасига қарши ўйин билан бошлаймиз, — дейди Акмал Рустамов. — Рақибимиз давралар оралиғида ўз таркибига бир қатор янги ўйинчиларни қўшиб олганидан хабаримиз бор. Ўз навбатида жамоамизда ҳам ўзгаришлар юз берди. Мухлислар навбатдаги ўйинда биздан фақат ғалаба кутишмоқда. Буни жамоадошларим ҳам яхши ҳис этиб турибди. Муборакда қийин ўйин кутиб турибди. Шунга қарамай, сафарга ғалаба учун борамиз. Унда муҳим уч очкони қўлга киритиш учун бор маҳоратимизни ишга соламиз.

“Қизилқум” ПФК Матбуот хизмати.

Ҳавола :

Манба : championat.asia

Янгиликларни Телеграмда ўқинг!

Рейтинг: +4