Абдурауф Бўриев: "Қизиқчиларнинг футбол мавзусига нуқта қўйдик"

- Жаҳон чемпионати саралаш босқичидан кейинги жараён қандай ўтяпти? Бугунги ўйин ҳақидаги фикрларингиз...

- Орзуларимдан бирига эришдим. Аслида иккитасига деса ҳам бўлади. Сабаби, Олимпия ўйинларида ҳам иштирок этиш истаги амалга ошди. Иккинчиси – жаҳон чемпионати. Бундан жуда хурсандман. ФИФА кунларидан сўнг чемпионатнинг навбатдаги тур ўйинларига тайёргарликни бошлаб юбордик. "Бунёдкор"га қарши ўйинга яхши тайёргарлик кўрдик. Вазиятлардан фойдалана олмаганимиз ғалаба қозонишимизга тўсқинлик қилди.

- "Пахтакор" сўнгги ўйинларда кетма-кет ғалаба қозонаётганди. Серияга барҳам берилишига рақибнинг қайси жиҳатлари тўсқинлик қилди?

- Бунга фақат ўзимиз айбдормиз. Ҳужумларни якунлашда аниқлик етишмади. 

- Бироз мавзудан йироқлашамиз. Ўзбекистон яқинда жаҳон чемпионати йўлланмасини қўлга киритди. Бу мавзу узоқ йиллар давомида сўз усталарининг асосий мавзуларидан бирига айланганди. Футболчи сифатида буни қандай қабул қилардингиз ва эндиги муносабатингиз қандай?

- Ҳа, бу ҳақда эшитардик, томоша қилардик. Менимча, уларнинг мавзусига нуқта қўйдик деб ўйлайман. Энди бу мавзуга қайтилмаса керак.