Абдурашид Исмоилов: “Хоразм” жамоаси менда яхши таассурот қолдирди”
19 июн 2016 12:26
Янгиликлар

Абдурашид Исмоилов: “Хоразм” жамоаси менда яхши таассурот қолдирди”

Ўзбекистон биринчилиги 16-туридан ўрин олган “УзДонгЖу” - “Хоразм” 2:1 баҳсидан сўнг “УзДонгЖу” жамоасининг бош мураббийи Абдурашид Исмоиловнинг фикрлари билан қизиқдик:

“Бугунги ўйин олдигиси сингари шиддатли, ҳужумкор руҳда ўтди. Кўплаб вазиятлар яратдик, лекин уларнинг фақат иккитасидан фойдаландик холос. Иккинчи бўлимда ҳужумчилар, ярим ҳимоячиларимизда вазиятлар бўлди, афсуски улардан фойдалана олмадик. Тажрибали дарвозабон Ғайрат Ўдаев кўплаб вазиятларимизни йўққа чиқарди. Ўйиннинг охирида арзимас хато туфайли тўп ўтказиб юбордик, муҳими керакли 3 очкони қўлга киритдик. Кейинги ўйинларга яхши тайёргарлик кўриб ўз мавқеимизни яхшилаб боришга ҳаракат қиламиз.

“Хоразм” жамоаси ҳам менда яхши таассурот қолдирди, таркибида 2-3 нафар тажрибали ўйинчилар ёнида кўплаб ёшлар тўп тепишмоқда.
Фурсатдан фойдаланиб бизга шароитларни яратиб келаётган раҳбарларимизга, кўрсатган мазмунли ўйинлари учун футболчиларимизга, иссиқ хаво бўлишига қарамай стадионга келиб бизни қўллаб-қувватлаб турган мухлисларимизга раҳмат айтаман - деб сўзини якунлади Исмоилов.

“УзДонгЖу” матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: -1