Супер янгилик! "CA" ўқувчилари энди Италия, Испания ва Франция чемпионатларини томоша қиладилар!

Бугундан бошлаб Испания, Италия ва Франция чемпионатларини Марказий Осиёда кўрсатиш ҳуқуқига эгалик қилувчи "Сетанта Спорт" компанияси Малайзиянинг "Aleziya" компанияси билан ҳамкорликда мазкур чемпионат ўйинларини Ўзбекистон веб сайтларида кўрсатиш ҳуқуқини "Championat.asia" сайтига тақдим этди.

"Сетанта Спорт" ва "Aleziya" ҳамкорлигида амалга ошган лойиҳа нима учун айнан бизнинг сайтимиз билан ҳамкорликни йўлга қўйдилар? Икки такшкилот томонидан тузилган мониторинг хизмати, асосий эътибонни мамлакат биринчилиги ҳамда терма жамоага қаратаётганлиги учун "CA"ни ҳудуддаги катта ўсишга эришаётган сайт деб баҳолади.

Ўзбекистонлик мухлисларни хориж футболига қизиқишларини инобатга олган ҳолда, ҳудудда "Реал" ва "Барселона", "Ювентус" ва "Милан", Златан Ибрагимович тўп тепаётган "Франция" чемпионати қизиқ бўлишига ишонамиз. Қолаверса мухлислар, "Setanta Sports" ва "Setanta Sports +" каналлари орқали паралел равишда турнинг бир йўла икки марказий ўйинларини кўриш имкониятига эга бўладилар.

"Сетанта спорт" қуйидаги спорт мусобақаларини тўғридан-тўғри трансляция қилади:

Футбол
Испания чемпионати
Италия чемпионати
Франция чемпионати
Испания Кубоги
Англия Кубоги (FA Cup)
Футбол лигаси кубоги (Capital One Cup)
АҚШ чемпионати (MLS)
Ўртоқлик ўйинлари

Шунгидек: Хоккей, Формула-1 ва Бокс, Регби ва Гольф каби спорт турларини тўғридан-тўғри томоша қилиш имкониятига эга бўласиз.

"Ўзбекистонда футбол биринчи рақамли спорт тури. Биз эса Ўзбекистон ҳудудида кучли чемпионат ўйинларини кўрсатиш ҳуқуқига эгалиқ қиламиз. 2015 йилдан бошлаб Ўзбекистонда ҳам кучли чемпионат ўйинларини кўрсатишни режа қилдик. Олдимизда бир қатор сайтлар турар эди. Биз 3 ой давомида яхшилаб ўрганишимиз натижасида, "CA" номзодида тўхталдик. Қолаверса сайт вакилларини Осиё Кубогидаги фаолиятини ҳам кузатдик. Осиёдаги қатор ҳамкорларимиз билан суҳбат давомида, кейинчалик Марказий Осиё футболини ёритишни мақсад қилаётган сайт билан ҳамкорлик қилишни мақул кўрдик. Боиси бизнинг компания учун Марказий Осиё бозори қизиқ ва биз айнан шу ҳудудлар учун трансляция ҳуқуқини берамиз", - дейди компания вакили Ротанаквичеа.
 
Ўз навбатида Ўзбекистон ҳудудида айнан бизнинг сайтимиз билан ҳамкорлик қилиш истагини билдирган "Сетанта Спорт" ва "Aleziya" компанияларига ўз миннатдорчилигимизни билдирамиз. Умид қиламиз ҳамкорлигимиз узоқ йилларга чўзилади.

Мазкур канал имкон қадар уй шароитидаги интернетда кўришга мўлжалланган бўлиб, ҳозирда синов вазифасини ўтаяпти. Барча техник масалалар ижобий ҳал қилинганидан кейин, ўқувчилар учун махсус тарифларни эълон қиламиз ва сиз йил давомида ўзингиз истаган қизиқарли ўйинларни томоша қилиш имкониятига эга бўласиз.

Бугун эса сиз азиз ўқувчилар, Испанияда Мадрид дербиси! "Атлетико" ва "Реал" жамоалари иштирокидаги ўйинни тўғридан-тўғри томоша қилишлари мумкин бўлади.

Қайдномадан ўтаётганингизда телефонингиз рақамини тўлиқ кодлари билан кўрсатишингиз лозим. "+" эса қўйилмайди.

Масалан: 99894 6хххххх

Энди aleziya.com сайти орқали юқоридаги чемпионат баҳсларини бемалол томоша қилишингиз мумкин. Сайт тўлиғича TAS-IX ҳудудида жойлашган.