Майдон эгаларининг барча тўрт голига Патрик Маллинз муаллифлик қилди. 2016 йилнинг октябрь ойида жароҳат олиб, кейинчалик сафга қайтган ушбу футболчи 15 учрашувдан иборат голсиз сериясига айнан ушбу ўйинда чек қўйди. 25 ёшли ҳужумчига “покер” қайд этиши учун 31 дақиқа кифоя қилди. Бу MLS тарихидаги рекорд натижадир. Бундан олдинга рекорд «Майами Фьюжн» жамоасининг колумбиялик ҳужумчиси Диего Сернега тегишли эди. 2000 йили у “Нью Йорк Ред Буллз” жамоасига қарши кечган баҳсда 35 дақиқа ичида рақиб дарвозасига тўртта гол киритишига эришганди.
