Расмий хабар: Ислом Рашидхонов “Навбаҳор” билан шартнома тузди

У 2020 йилда “лочинлар” шарафини ҳимоя қилади.

Мазкур футболчи борасида тўхталадиган бўлсак, Рашидхонов 1997 йилнинг 10 октябрида Наманган шаҳрида туғилган. У “Навбаҳор”нинг собиқ футболчиси, жамоамизнинг кўплаб муваффақиятларига ўзининг муносиб ҳиссасини қўшган, 1996 йилги “олтин” таркибда ҳам наманганликлар шарафини ҳимоя қилган Дилшод Алиевнинг ўғли.

Ислом Рашидхонов 2016–2019 йиллар давомида Қаршининг “Насаф” клубида тўп тепди.

Биз маҳоратли ярим ҳимоячи Ислом Рашидхоновга янги мавсумда омад ёр бўлиб, чиройли ўйинлари ва голлари билан “Навбаҳор”нинг ғалабаларига муносиб ҳисса қўшишини тилаб қоламиз", - деб ёзади “Навбаҳор” ПФК матбуот хизмати.

Олдинроқ сайтимизда Рашидхоновнинг товон пули 500 миллион сўм эканлиги ва "Навбаҳор" футболчини камроқ нарх эвазига сотиб олмоқчи эканлиги ҳақида ёзган эдик.