25-турда ҳакамлар хато қилишдими? Экспертимиз таҳлили давомида бир нечта баҳсли вазиятлар юзага келди

"Сурхон" – "Динамо" (ВИДЕО)

Кўк либосдаги ўйинчи тўп учун курашишга улгурмасдан, одатий қоидабузарликни амалга оширди. Пенальти тўғри белгиланди.

"Қўқон-1912" – "Бунёдкор" (ВИДЕО)

Агарда қўполлик содир этилмаганда, ҳужум қилаётган томон 3 га 2 ўйинчи нисбатида устунликка эга бўларди, бу эса хавфли вазият содир этилишига замин яратарди. Хавф туғдириши мумкин бўлган ҳужумни бузгани учун сариқ карточка тўғри кўрсатилган.

"Қўқон-1912" – "Бунёдкор" (ВИДЕО)

Оқ либосдаги ҳимоячи тўпни бурчак томон тепиб юборади, кейинги ҳаракатлар эса табиий жараён ҳисобланади, сабаби бу тўқнашувдан қутулишнинг иложи йўқ эди, шу боис ўйин давом эттирилиши лозим.

"Насаф" – "Нефтчи" (ВИДЕО)

Ҳакам яхши ҳолатда бўлса-да, аввалига ҳеч қандай карточка кўрсатмагани ажабланарли. Вазиятни аниқ баҳолаш қийин, менимча, қўполлик қизил карточкага яқинроқ эди. Оёқнинг кафт қисми кўтарилган ҳолда рақибга ташланилган. Бу ҳолатда қизил либосдаги ўйинчи оёғининг ҳимояланмаган қисмига жароҳат етказиши мумкин эди. Шунингдек, у рақибнинг таянч оёғига ташланди, бу эса жароҳат олиш имкониятини оширади.

"Насаф" – "Нефтчи" (ВИДЕО)

Идрок қилиш қийин бўлган вазият. Биринчидан, дарвозабон саломатлиги учун хавфли равишда бошини қуйи эгганча тўпга ташланди. Ҳужумчи биринчи бўлиб тўпга ўйнагани учун дарвозабон жазоланиши керак. Ҳужумчи оёғини нормал баландликка кўтарди. Лекин бу ерда сариқ карточкадан бошқа нарса ҳақида гапириб бўлмайди, бунга ҳеч қандай мезон йўқ.

"Пахтакор" – "Қизилқум" (ВИДЕО)

Голни аниқлаш технологиясисиз бу вазиятни аниқ баҳолаб бўлмайди, аммо иккиламчи белгилар ҳимоячининг чап оёғи чизиқда эканлигини кўрсатади, лекин ўнг оёқ эса дарвоза ичкарисида эди ва тўп айнан ўша ердан қайтарилди. Ҳимоячидаги ўнг оёқ ҳолатидан келиб чиқиб, тўп дарвоза чизиғини кесиб ўтганини тахмин қилиш мумкин.