Мазкур эпизод Эксперт ҳакамлар гуруҳи, яъни ФИФА, ОФК ҳамда маҳаллий тажрибали инструкторлар томонидан атрофлича ўрганиб чиқилди. Олиб борилган таҳлиллар натижасида бош ҳакам томонидан қабул қилинган қарор тўғри экани тасдиқланди. Таҳлилга кўра, тўп узатилган пайтда ҳужум қилаётган жамоа футболчиси офсайд ҳолатида бўлган.
Ушбу вазиятга батафсил тўхталадиган бўлсак, учрашувнинг 52-дақиқасида меҳмонлар томонидан киритилган гол VAR аралашуви орқали текширилди. VAR тавсиясига асосан эпизод қайта кўриб чиқилиб, тўп узатилган пайтда гол муаллифи офсайд ҳолатида бўлгани аниқланди. Шундан келиб чиқиб, бош ҳакам томонидан голни бекор қилиш қарори қабул қилинди.
Тақдим этилган чизмаларда “Навбаҳор” жамоаси футболчисининг елкасидан кўк чизиқ, “Сўғдиёна” жамоаси футболчисининг елкасидан эса қизил чизиқ тортилгани кўриш мумкин. Мазкур ҳолатда ҳужум қилаётган жамоа футболчисининг елкаси дарвозага яқинроқ жойлашгани сабабли офсайд ҳолати қайд этилган.
Шунингдек, мазкур мақолада “Хоразм” — “Нефтчи” учрашувининг 63-дақиқасида юзага келган вазият ҳам таҳлил қилинган.
Мазкур эпизод ҳам ФИФА, ОФК ҳамда маҳаллий тажрибали инструкторлар томонидан таҳлил қилинди. Хулосага кўра, меҳмон жамоаси футболчиси тўп учун кураш жараёнида оёғини юқорироқ кўтарган ҳолда ҳаракат қилган ва рақиб футболчининг оёғига енгил контакт юзага келган. Бироқ ушбу вазиятда қўполлик ҳолати кузатилмаган.
Шу боис, мазкур ҳолат қоидабузарлик сифатида баҳоланмайди ва ўйинни давом эттириш қарори тўғри деб топилади.
Championat.asia сайтининг ҳакамлик бўйича эксперти, россиялик собиқ ҳакам Анатолий Синяевнинг Суперлига 9-туридаги ҳакамликка бағишланган таҳлилини ушбу ҳавола орқали ўқишингиз мумкин.
