Лига Кубоги: "Қўқон-1912" Тошкентда "Пахтакор"ни тор-мор келтирди

                 ЯНГИЛАШ

             ЎЙИН ШАРҲИ

- ЎЙИН ЯКУНЛАНДИ! "Қўқон-1912" Тошкентда "Пахтакор" дарвозасига жавобсиз тўртта гол йўллади!

- Учрашувнинг охирги дақиқасида Суҳроб Бердиев таблодаги ҳисобни янада оширди - 0:4!

- Иккинчи бўлимда дарвозалар олдида айтарли хавфли вазиятлар вужудга келмаяпти. 

- Марко Симич иккинчи огоҳлантиришни олиб майдондан четлатилди. Марко Муҳаммаданас Ҳасановга қарши қўполлик ишлатганди.

- "Қўқон-1912" ҳимоячилари анча ишончли ўйинлари сабаб рақибга ўз жарима майдончалари ичида имконият беришмаяпти. 

- "Қўқон-1912" сафида Беҳруз Саъдиллоев, "Пахтакор"да эса Розиев майдонга туширилди.

- Драган Чераннинг узатмасидан сўнг Маҳмудхожиевнинг бош билан берган зарбаси устунга тегиб майдонни тарк этди.

- Мурод Холмуҳаммедовнинг жарима зарбасидан сўнг Умид Хамроев хавфни бартараф этди. Кейинги вазиятда эса қарама-қарши тарафга жарима зарбаси белгиланди. Бикмаевнинг зарбасини эса Сарвар Каримов қайтарди.

- "Пахтакор"да ўзгариш: Жаҳонгир Аҳмадов ўрнига Бобур Асқаров майдонга тушди.

- Иккинчи тайм бошланди!

- Биринчи бўлим тугади. Танаффус! Ҳозирча катта устунлик "Қўқон-1912" тарафида.

- ГОЛЛЛЛЛ! СУПЕР ГОЛ! МУРОД ХОЛМУҲАММЕДОВ! Мурод Холмуҳаммедов майдон марказидан Умид Хамроев қўриқлаётган дарвозага тўпни дарвозабоннинг устидан ошириб қўйди. Ажойиб гол! 

- ГОЛ! "Қўқон-1912" ҳужумчиси Тимур Усмонов жарима майдончаси ичида тўпни қабул қилиб дарвозанинг ўткир бурчагига жойлади - 0:2!

- Марат Бикмаев жарима майдончасида бир ҳимоячини алдаб ўтиб, дарвозанинг яқин бурчагига кучли зарба йўллади. Лекин Сарвар Каримов ўз постида ишончли турди ва зарбани бартараф этди. 

- Учрашувнинг 21-дақиқасида "Қўқон-1912" уюштирган ҳужум хавфли тус олди. Авазхон Маматхўжаевнинг ўткир бурчакдан тепган зарбаси хавфли, аммо бироз ноаниқ чиқди.

- Хавфли вазият! Мурод Холмуҳаммедовнинг бурчак тўпидан тўғри дарвозага йўналтирган айланма зарбасини Ҳамроев қайтариб юборишга эришди.

- Беллашувнинг 8-дақиқасида Бикмаев ва Черан ижросидаги комбинацион ҳужумни Драган боши билан зарба йўллаган ҳолда якунламоқчи бўлганди, аммо бу вазиятда қанот ҳаками оффсайд қайд этди. Зарбани эса Сарвар Каримов бартараф этишнинг уддасидан чиққанди.

- Учрашув темпи юқори эмас. Жамоалар шошилмасдан футбол ўйнашмоқда. Ҳозирча ҳудудий устунлик мезбонлар тарафида. "Қўқон-1912" эса тўпсиз рақибни таъқиб этмоқда. 

- ЎЙИН БОШЛАНДИ!

Лига кубоги, 1-тур
ПАХТАКОР – ҚЎҚОН-1912 0:4
31 май 2019 йил. Тошкент. "Пахтакор" стадиони. 19:00
Ҳакамлар: Жасур Мухторов, Султонмурод Улфатов, Бахтиёрхўжа Шавкатов
Назоратчи: Марат Исмаилов
Комиссар: Аббос Ахроров

Голлар: Марко Милич (24), Темур Усмонов (43), Мурод Холмуҳаммедов (45), Суҳроб Бердиев (90)

"Пахтакор": Умид Ҳамроев, Владимир Козак, Марко Симич (С), Шерзод Аъзамов, Алишер Салимов, Сардор Собирхўжаев, Жаҳонгир Аҳмадов (Бобур Асқаров, 46), Драган Черан, Марат Бикмаев, Собит Синдаров (Руслан Розиев, 68), Шоҳруҳ Маҳмудҳожиев (Иброҳимҳалил Йўлдошев, 74)
Захира: Азизхон Исақов, Ҳумоюнмирзо Иминов, Садриддин Абдуллаев.

“Қўқон-1912”: Сарвар Каримов, Муҳаммаданас Ҳасанов (Дилшод Баратов, 85), Темур Ҳакимов (Беҳруз Саъдиллоев, 65), Авазхон Маматхўжаев, Ойбек Рустамов, Суҳроб Бердиев, Иқбол Маликжонов, Темур Усмонов (Жавоҳир Эсонқулов, 58), Александр Мерзляков, Марко Милич, Мурод Холмуҳаммедов (С)
Захира: Исломжон Абдуллаев, Жасур Ҳасанов, Шаҳбоз Эркинов, Жасур Ёқубов.

Огоҳлантиришлар: Марко Симич (52), Темур Усмонов (56)

Четлатиш: Симич (77)