2-лига. "Аҳмад Яссавий" мавсумга тайёргарликни давом эттирмоқда

Воҳид Холбоев мураббийлик қилаётган жамоа ўртоқлик учрашувларига зўр берган. Хусусан, жамоа бугун Қибрайда "Пахтакор" ёшларига қарши майдонга чиқиб, 6:3 ҳисобида ғалаба қозонди. Айтиш керак, "Аҳмад Яссавий" бунгача "Бунёдкор" ёшларини (3:1), мағлубиятга учратган бўлса, "Сурхон"га (2:4) ютқазиб қўйган.

Режага кўра, жамоа шу йилнинг ўзидаёқ ПРО лигада иштирок этиши лозим эди, бироқ айрим сабабларга кўра бу амалга ошмай қолди.

Бош мураббий Воҳид Холбоевга Асқар Жадигеров ёрдам бериб келмоқда.