18+. Мбаппе Австрияга қарши баҳсда бурнини синдириб олди ва кейинроқ сариқ карточка билан жазоланди
18 июн 02:11
Янгиликлар

18+. Мбаппе Австрияга қарши баҳсда бурнини синдириб олди ва кейинроқ сариқ карточка билан жазоланди

Килиан Мбаппе Евро-2024 ўйинида бурнини синдириб олди.

Фрация терма жамоаси Евро-2024 гуруҳ босқичи биринчи турида Австрияни 1:0 ҳисобида таслим қилди.

Францияликлар ҳужумчиси иккинчи бўлим охирида жароҳат олди - у Антуан Гризманнинг узатмасидан сўнг тўпга боши билан зарба берди ва рақиб футболчиси Кевин Данзонинг елкасига бурнини уриб олди.

Килиан майдонни шифокорлар ёрдамида тарк этди, аммо ҳакам рухсатисиз майдонга қайтди ва ўтириб олди. Учрашув бош ҳаками Хесус Хиль Мансано бу иши учун Мбаппега сариқ карточка кўрсатди.

Суратларга эътибор бериб қарасангиз Мбаппенинг бурни синганини пайқаш мумкин. У қанча муддатга сафдан чиққани маълум эмас.