UZ

Сўнгги янгиликлар

00:08"Жирона" — "Реал". Таркиблар маълум  1 00:07ОКМК сўнгги турда Олмалиқда "Машъал"ни мағлуб этган ўйиндан ФОТОГАЛЕРЕЯ  0 23:53"Рома" — "Наполи". Таркиблар маълум  0 23:30АПЛ. Қизиқарли кечган "Челси" ва "Арсенал" жамоалари ўртасидаги Лондон дербисида дуранг қайд этилди, "аристократлар" ўйиннинг катта қисмини ўн киши бўлиб ўтказишди  36 23:17"Андижон" сўнгги турда "Бунёдкор"ни мағлуб этган ўйиндан ФОТОГАЛЕРЕЯ  0 22:25Исак "Ливерпул" сафидаги дебют голини урди  4 21:34"Реал" 50 млн евролик трансферни амалга оширишга тайёр  8 21:00АПЛ. "Ливерпуль" Лондонда "Вест Хэм"ни мағлуб этди  7 20:56А Серия. "Интер" Лаутаронинг дубли эвазига меҳмонда "Пиза"ни мағлуб этди  2 20:05Савиньо қишда "Манчестер Сити"ни тарк этиши мумкин  2 19:22Рэшфорд "Барселона"ни тарк этиб, ПСЖга ўтиши мумкин   4 19:02АПЛ. "Манчестер Юнайтед" Лондонда иродали ғалабага эришди  17 18:53Александр Хомяков: "Бундай ўйинларда битта гол кўп нарсани ҳал қилади"  6 18:39Февзи Давлетов: "Бухородаги стадион майдони ёмон бўлгани учун узун паслар билан ўйнадик"  3 18:35Илёс Зейтуллаев: "Андижон" учун мотивация муҳим роль ўйнади, "Бунёдкор" ажойиб мавсум ўтказди"  1

Зоран Марушич: "Чемпионлик ва кубокни Фарғонага олиб келиш учун ҳамма нарса қиламиз" Янгиликлар

Зоран Марушич: "Чемпионлик ва кубокни Фарғонага олиб келиш учун ҳамма нарса қиламиз"

Суперлиганинг 4-турига келиб "Нефтчи" мавсумдаги илк ғалабасини қўлга киритди.

"Навбаҳор" рақиблик қилган ўйинда фарғоналиклар 3:2 ҳисобида ғалаба қозонди. Ўйиндан сўнг жамоанинг сербиялик ҳужумчиси Зоран Марушич фикрларини билдирди. 

- Ўйин қандай ўтди?

- Ўйин биз учун ёмон бошланди. Биринчи бўлимдан кейин ҳисоб 0:1 эди. Ўйинга қайтиш ва ғалаба қозониш осон бўлгани йўқ.

- Жамоа ўйинда икки бор ҳисобда ортда бораётганига қарамай якунда камбэк қила олди. "Навбаҳор"нинг қайси камчиликларидан "Нефтчи" фойдаланди?

- Бизга мухлисларнинг катта қўллаб-қувватлаши ёрдам берди. Уларнинг ишончи туфайли бунга эришдик. Сизларга бир нарсани айтаман, мухлисларнинг олқишларисиз мақсадимизга эриша олмаймиз. Биз янада кучлироқ ва яхшироқ бўламиз. Имкониятларимиз бундан ҳам кўпроқ бўлади. 

- "Нефтчи" чемпионатни кутилганидек бошламади. Бу эса мухлисларда норозиликларни келтириб чиқарди. Лекин 3 та дурангдан 2 таси меҳмонда қўлга киритилди. Сизнингча натижалар ҳаққониймиди?

- Афсуски, чемпионатни ўзимиз кутгандек бошлай олмадик. Гол уриш учун кўплаб имкониятларга эга бўлдик. Аммо тўп шунчаки дарвозага киришни истамади. Ўзбекистон чемпионати ҳамма кутганчалик осон лига эмас. Бу йил мавсум жуда қизиқарли ўтади деб ўйлайман. 

- 2022 йил "Навбаҳор" билан чемпион бўлиш имконияти бўлган сизда. Лекин ҳар қанча уриниш бўлмасин Наманганда бу вазифа уддаланмади. Фарғонада чемпионлик имкониятлари қандай?

- 2022 йил ажойиб жамоамиз бор эди. Ўшанда мақсадимизга эриша олмаганимиздан афсусланганман. "Пахтакор" биздан атиги бир очко олдинда эди. Бу уларга чемпионлик учун етарли бўлган. "Навбаҳор" 2023 йилда худди ўша таркибни сақлаб қолганида имкониятларимиз юқорироқ бўларди. Бу йил жамоадагилар билан Наманганда қолиб кетган ишимизни бажаришга ҳаракат қиламиз, чунки "Нефтчи" бунга лойиқ жамоа. 

- Шунга қарамай "Насаф" билан Суперлигада ғолиб чиқдингиз. Сизда ўзига ҳос руҳият ва иммунитет шаклланган...

- "Насаф" бошиданоқ олдига аниқ мақсад қўйганди. Клуб тарихда биринчи маротаба чемпионликни қўлга киритди. Футболчила буни ҳис қилган ҳолда ҳар бир ўйинга юз фоиз мотивация билан тушди. Энди "Нефтчи"да ҳам шундай мотивациямиз бор. Жамоани чемпион қилиш ва кубокни Фарғонага олиб келиш учун ҳамма нарсани қиламиз. 

Муаллиф : Iskandarov Abdulaziz
Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика