UZ

Сўнгги янгиликлар

01:45“Аякс” ижрочи директори шартномасини узайтирди  0 01:34Месси тўрт ойлик мажбурий танаффусдан қайтишини гол билан нишонлади  8 01:01Финляндия ўз тарихида илк марта Европа чемпионати йўлланмасини нақд қилди+ФОТО  5 00:38Мессининг голи Аргентинага Бразилия устидан ғалабани тақдим этди  46 00:18Лукаку: “Россияни мағлуб этишни истаймиз”  4 23:57РФИ: Ҳакамлар ва назоратчилар департаменти иккига бўлинади  0 23:41Гвардиола терма жамоани бошқармоқчи  8 23:26Кавани фаолиятини А Серияда давом эттириши мумкин  1 22:59Антуан Гризманн: “Барселона”да осон бўлмаслигини билардим”  1 22:40Йоахим Лев: “Германия Евро-2020 фаворити эмас”  2 22:17Тебас: “Бир ўйинни деб бутун тақвимни алмаштира олмаймиз”  5 22:00Гол завқининг навбатдаги сони: Фернандо Торреc  13 21:57"Ювентус" дарвозабони билан шартномасини узайтиришга яқин  0 21:39ФИФА Клублар ўртасидаги ЖЧни бошқарадиган ҳакамлар номини маълум қилди  1 21:26ПСЖга "Барселона" ҳимоячиси керак  3

"Зомин" ўз гуруҳи чемпионига айланди Янгиликлар

"Зомин" ўз гуруҳи чемпионига айланди

Яқин ўтмишнинг энг тезкор футболчиларидан бири Жаҳонгир Жиямуродовга ортиқча таъриф беришга ҳожат бўлмаса керак.

Ўзининг ажойиб ўйинлари билан мухлислар қалбидан жой олган. Жаҳонгир Жиямуродов футболчилик фаолияти давомида "Машъал", "Насаф", "Олмалиқ" ва "Нефтчи" клубларида тўп сурган. Таъкидлаш жоизки, у “Насаф” таркибида янада “порлади”, ҳақиқий етук футболчи сифатида шаклланди. Машғулотдаги тинимсиз меҳнатлари эвазига мунтазам равишда “аждарлар”нинг асосий таркибидан муқим ўрин олиб келди. 

2011 йилда эса "Насаф" билан ОФК Кубогида ғолибликни қўлга киритган. Қашқадарё ва Жиззах вилоятлари унинг ҳаётида муҳим ўрин тутади. Бундай дейишимизга асосларимиз етарли. Аслида, Жаҳонгир Жиямуродов Сирдарё вилоятининг Мирзаобод туманида туғилиб, миллионлар ўйинининг ўзига хос сир-асрорларини ўрганган бўлса-да, Қашқадарё футболида камол топди. Мураббийлик соҳасида эса Жиззах заминида илк қадамини ташлади. У ҳали ҳам яшил майдонда жавлон уриб тўп тепиши мумкин эди. Аммо, фаолияти давомида олган жароҳатлар катта футбол билан барвақт хайрлашишга мажбур этди. 

Жорий йилнинг бошида Жиямуродовга Ўзбекистон ПРО - лигаси иштирокчиси "Зомин" клубидан таклиф тушади ва у бош мураббий сифатида иш бошлайди. Тўғри, унинг мураббийлик бобидаги илк расмий ўйини омадсиз кечди. Жумладан, "Оқ-тепа"га қарши кечган баҳсда 1:2 ҳисобида имконият бой берилди. Мазкур мағлубиятдан етарли чиқарган Ж.Жиямуродов бошчилигидаги "Зомин" жамоаси аъзолари Ўзбекистон Про-лигасининг "Б" гуруҳида жорий йилги мавсум учрашувларини кўтаринки кайфиятда ўтказиб, биринчилик якунланишига икки тур қолганида муддатидан олдин 45 очко жамғарган ҳолда, гуруҳ чемпионига айланди. 

Ёш мутахассис бошчилигида “Зомин” жамоаси ўз тарихида илк бор халқаро ўртоқлик учрашувларда иштирок этди. Бир йил оралиғида қилинган меҳнат зое кетмади. Унинг таъкидлашича, “Зомин” барча диққатини ўтиш турнирига қаратади ва унда фақат ижобий натижа учун курашади. Нима бўлганда ҳам  ҳаммасини вақт кўрсатади. Яна бир гап. Тўғри, “Зомин” ўз минтақасида тенгсиз топилди. Аммо ушбу клуб ўз уй ўйинларини Зомин шаҳрида эмас, балки бутун мавсум “Янгиер” стадионида ўтказганини аксарият мухлислар билмаса керак. Айни пайтда “Зомин” стадионида қурилиш-таъмирлаш ишлари ҳанузгача олиб борилмоқда. 

Жамоанинг ўз ишқибозлари қаршида тўп суриши ҳамон сўроқ остида қоляпти... Афсуски, “Зомин” ўзининг ўзга шаҳардаги бир йиллик саргузашти мобайнида етарлича муаммоларга дуч келди. Гоҳида транспорт, баъзида ётоқхона, бошқа ташкилий масалалар ва ҳоказо...

Сўнгги сўз ўрнида: Ж.Жиямуродовнинг мураббийлик бобидаги илк мавсуми омадли интиҳо топди. Фурсатдан фойдаланиб, “Зомин”  жамоаси аъзоларини, мураббийлар штабини, жамоанинг ашаддий ихлосмандларини қўлга киритилган улкан ғалаба билан самимий қутлаб қоламиз. Ўйлаймизки, келаси мавсумда ҳам Ж.Жиямуродов қўл остидаги жамоа аъзолари ўзларининг чиройли, мазмунли ва ҳужумкор ўйинлари билан ишқибозлар олқишига сазовор бўлишади.

Рейтинг: +4   

Фикрлар

+1   
13 окт 17:05:56
FC LIVERPOOL...
Янгиер чикиш керак эди эх масхарабозлар лигаси хакикат йок
   
14 окт 00:45:21
Raysbobo
Jiyanmurodovdan kòra Ilhom akani kòproq xizmatlari bor bu chempionlikda ! "Zomin" tabriklaymiz ! Bundan ham kattaroq kubok va chempionatlarda yutishingni tilab qolamiz!
   
13 окт 17:30:06
Doctoruz
Jahongir aka yaxwi bola omad
   
13 окт 16:31:40
Jek Chittak FCB
Hudo holasa Superligayam chiqamiz inshallax
   
13 окт 16:30:09
Yorqin kelajak
Assalomu aleykum Jahongir aka tabriklayman telegramizga alohida tabrikni jonatanan. Sog boling bu boshlanishi bolsin ishlarizga omad!!!
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг