Зинедин Зидан: “Реал” расво ўйин кўрсатди”
04 фев 2018 08:52
Янгиликлар

Зинедин Зидан: “Реал” расво ўйин кўрсатди”

Мадриднинг “Реал” клуби бош мураббийи Зинедин Зидан кечаги “Леванте”га қарши кечган 22-тур доирасидаги учрашувга изоҳ берди.

“Қироллик клуби” “Леванте” майдонида кечган ўйиннинг сўнгги дақиқасида гол ўтказиб юбориб, 2:2 ҳисобидаги дуранг билан чекланганди.

“Биз ўйин назоратини ўз қўлимизда ушлаб турдик, айниқса биринчи бўлимда. Иккинчи бўлимда иккинчи тўпни киритдик ва бу ғалабани сақлаб қолишимиз керак эди. Аммо амалда бундай бўлмади.

Мезбонлар юзага келтирган 4та вазиятларидан 2тасини голга айлантиришди. Ўйинга яна қандай таъриф беришим мумкин? Биз расво ўйнадик”, — дея Marca нашрига интервью берди франциялик мутахассис.