Зинедин Зидан «Барселона»дан учралган мағлубиятдан сўнг нималар деди?
30 июл 2017 09:57
Янгиликлар

Зинедин Зидан «Барселона»дан учралган мағлубиятдан сўнг нималар деди?

«Реал» устози Зинедин Зидан International Champions Cup доирасидаги «Барселона»га қарши ўйиндан сўнг (2:3) ўз фикрларини билдирди.

«Биз ўйин бошида иккита гол ўтказиб юбордик. Кейин вазиятлар яратдик, аммо умумий олганда яхши ўйнадик дея олмайман.

«Барселона» билан бир неча кундан сўнг яна ўйнаймиз. Бугун кўп яккакурашларда ютқаздик, бу бизга хос эмас.

Бундай натижалар кутмагандик, аммо ҳозир мавсумга тайёргарлик. Асосийси – 8 августга (Европа Суперкубоги учун МЮга қарши ўйин) тайёр бўлишимиз. Ижобий ва салбий жиҳатларни кўрдим, тайёргарликни давом эттирамиз.

Мағлубиятлар мени ташвишга солмаяпти. Ҳа, мағлуб бўлиш доим ёқимсиз, аммо ҳали мавсум бошланмади. Биз янада яхшироқ ўйнашимиз даркор», — дейди Зидан.